meir forståeleg tittel etter studiet. No kan vi kalle oss «Matteknikar i tradisjonsmat». Men det seier ikkje folk så mykje, påpeiker Rita Helland. Det faglege miljøet på skulen er ho godt nøgd med. Særleg dreg ho fram studieturen klassen drog på til Sverige. – Det var ein fantastisk tur! Vi vitja ein tilsvarande skule som vår eigen, og fekk nye impulsar både på skulen og hos verksemder i området rundt. Veldig inspirerande. Rita Helland har mykje av både utdanning og praksis bak seg. I tillegg til kokk- og servitørutdanning har ho gått på det som den gong heitte «kjøttlinja» i Åsane, ho har teke kokk- og stuertskulen i Bergen, og eit år med omsorgsfag har ho også rukke. Ho har jobba på mangt eit kjøken, vore kantineleiar, ferskvareansvarleg og butikksjef. Då ho vart skild, flytta ho heim til Sunnhordland og jobba fleire stader her også, før ho enda opp med ein 80 prosent stilling på kjøkenet på Valen sjukehus. Der er det kring seksti pasientar inne til ei kvar tid. Tre kokkar, ein kjøkensjef og to assistentar står for drifta. – I tillegg kokar vi til sjukehuset i Odda, legg Rita Helland til. – Ein gong i veka kjem dei og henter sous vide-måltid hos oss. Folk er nøgde med maten – dei skryt av oss som driv kjøkenet. KREATIV: Det er mykje gjenbruk og mykje sjølvsnekra på baksterommet til Rita Helland. BAKST: Lauvtynne flatbrød er blant dei heimelaga varene Rita sel på marknaden i Husnes. 39 Tidsskrift for matomsorg. Utgitt av Kost- og ernæringsforbundet Fagskulen i Vestland
RkJQdWJsaXNoZXIy MTQ3Mzgy